ନୂଆଦିଲ୍ଲୀ, ଜୁଲାଇ ୧୩: ଇଣ୍ଡିଆନ ପ୍ରିମିୟର ଲିଗ (IPL)ର ସବୁଠାରୁ ସଫଳ ସହଭାଗିତାମାନଙ୍କ ମଧ୍ୟରୁ ଗୋଟିଏ ଅଧ୍ୟାୟର ସମାପ୍ତି ଘଟିଛି। ଚେନ୍ନାଇ ସୁପର କିଙ୍ଗସ CSK (Chennai Super Kings)ଏବଂ ମୁଖ୍ୟ ପ୍ରଶିକ୍ଷକ ଷ୍ଟିଫେନ ଫ୍ଲେମିଂ (Stephen Fleming) ୧୮ ବର୍ଷର ଦୀର୍ଘ ସମ୍ପର୍କ ପରେ ପାରସ୍ପରିକ ସହମତିରେ ଅଲଗା ହେବାକୁ ନିଷ୍ପତ୍ତି ନେଇଛନ୍ତି।
ସୋମବାର ଫ୍ରାଞ୍ଚାଇଜ ପକ୍ଷରୁ ଜାରି ହୋଇଥିବା ସରକାରୀ ବିବୃତ୍ତିରେ ଏହି ସୂଚନା ଦିଆଯାଇଛି। ବିବୃତ୍ତି ଅନୁସାରେ, ଉଭୟ ପକ୍ଷ ପରସ୍ପର ସମ୍ମାନ ଏବଂ ବୁଝାମଣା ଆଧାରରେ ଏହି ନିଷ୍ପତ୍ତିରେ ପହଞ୍ଚିଛନ୍ତି।
ଷ୍ଟିଫେନ ଫ୍ଲେମିଂଙ୍କ ନେତୃତ୍ୱରେ CSK(Chennai Super Kings) ଆଇପିଏଲରେ ଅନେକ ସ୍ମରଣୀୟ ସଫଳତା ହାସଲ କରିଥିଲା। ଦଳ ପାଞ୍ଚଟି IPL ଟାଇଟଲ ଜିତିବା ସହ ଲିଗର ଅନ୍ୟତମ ସ୍ଥିର ଓ ସଫଳ ଫ୍ରାଞ୍ଚାଇଜ ଭାବେ ପରିଚିତ ହୋଇଥିଲା। ୨୦୨୩ରେ ଶେଷ ଥର ପାଇଁ ଟ୍ରଫି ଜିତିବା ପରେ ଦଳର ପ୍ରଦର୍ଶନ ଆଶାନୁରୂପ ରହିନଥିଲା।
ବିଶେଷକରି ୨୦୨୪, ୨୦୨୫ ଏବଂ ୨୦୨୬ ମସିହାରେ CSK (Chennai Super Kings)କ୍ରମାଗତ ଭାବେ ପ୍ଲେଅଫରେ ସ୍ଥାନ ପାଇବାରେ ବିଫଳ ହୋଇଥିଲା। ଏହି ପରିସ୍ଥିତି ପରେ ଦଳର କୋଚିଂ ଗଠନକୁ ନେଇ ଆଲୋଚନା ବଢ଼ିଥିଲା ଏବଂ ଫ୍ଲେମିଂଙ୍କ ଭବିଷ୍ୟତକୁ ନେଇ ବିଭିନ୍ନ ଚର୍ଚ୍ଚା ହେଉଥିଲା।
CSK (Chennai Super Kings)ତାହାର ବିବୃତ୍ତିରେ କହିଛି ଯେ, ଫ୍ଲେମିଂ ଏବଂ ପରିଚାଳନା ମଧ୍ୟରେ ହୋଇଥିବା ଖୋଲା ଓ ସକାରାତ୍ମକ ଆଲୋଚନା ପରେ ଏହି ନିଷ୍ପତ୍ତି ନିଆଯାଇଛି। ଉଭୟ ପକ୍ଷ ପରସ୍ପର ପ୍ରତି ସମ୍ମାନ ଏବଂ କୃତଜ୍ଞତା ପ୍ରକାଶ କରିଛନ୍ତି।
ଷ୍ଟିଫେନ ଫ୍ଲେମିଂଙ୍କ ବିଦାୟ ପରେ ବର୍ତ୍ତମାନ CSK(Chennai Super Kings)ର ପରବର୍ତ୍ତୀ ମୁଖ୍ୟ ପ୍ରଶିକ୍ଷକ କିଏ ହେବେ, ସେନେଇ କ୍ରିକେଟ୍ ପ୍ରେମୀଙ୍କ ମଧ୍ୟରେ ଉତ୍ସୁକତା ବଢ଼ିଛି। ଆଗାମୀ IPL ସିଜିନ୍ ପୂର୍ବରୁ ଫ୍ରାଞ୍ଚାଇଜ କୋଚିଂ ବିଭାଗରେ ନୂଆ (CSK Coach News) ନିଯୁକ୍ତି କରିପାରେ।