ତେବେ ଏହି ଉଦ୍ଘାଟନୀ କାର୍ଯ୍ୟକ୍ରମକୁ ନେଇ ବିରୋଧୀ ଦଳ ପକ୍ଷରୁ କିଛି ପ୍ରଶ୍ନ ଉଠାଉଛନ୍ତି । ସରକାରୀ ମଞ୍ଚରେ ସ୍ଥାନୀୟ ଜନପ୍ରତିନିଧିଙ୍କୁ ଯଥେଷ୍ଟ ଗୁରୁତ୍ୱ ମିଳିନଥିବା ଏବଂ ଅନ୍ୟ କିଛି ବ୍ୟକ୍ତିଙ୍କୁ ପ୍ରାଧାନ୍ୟ ଦିଆଯାଇଥିବା ନେଇ ଅସନ୍ତୋଷ ପ୍ରକାଶ କରୁଛନ୍ତି । ଏହା ସହ ସରକାରୀ କାର୍ଯ୍ୟକ୍ରମର ଆୟୋଜନ ଶୈଳୀକୁ ନେଇ ମଧ୍ୟ ବିଭିନ୍ନ ମହଳରେ ଆଲୋଚନା ଚାଲିଛି।
ଅନ୍ୟପଟେ ଭୁବନେଶ୍ୱରର ରାଜନୈତିକ ସମୀକରଣକୁ ନେଇ ମଧ୍ୟ ଚର୍ଚ୍ଚା ଜୋର ଧରିଛି। କାର୍ଯ୍ୟକ୍ରମରେ କେଉଁ ନେତାଙ୍କୁ କେତେ ପ୍ରାଧାନ୍ୟ ଦିଆଗଲା, ତାହାକୁ ନେଇ ଦଳୀୟ ସ୍ତରରେ ମଧ୍ୟ ବିଭିନ୍ନ ମତ ପ୍ରକାଶ ପାଉଛି। ଏହି ପ୍ରସଙ୍ଗରେ କିଛି ନେତା ନିଜ ମତ ରଖିଥିବା ବେଳେ ଅନ୍ୟମାନେ ସାର୍ବଜନୀନ ଭାବେ କୌଣସି ପ୍ରତିକ୍ରିୟା ଦେଇନାହାନ୍ତି।
ପ୍ରକଳ୍ପ ପକ୍ଷରୁ କୁହାଯାଇଛି ଯେ, ସ୍କାଏୱାକ୍ ଓ ଫୁଟ୍ ଓଭରବ୍ରିଜ୍ ନିର୍ମାଣ ସମ୍ପୂର୍ଣ୍ଣ ହେଲେ ରସୁଲଗଡ଼–ପଳାଶୁଣି ଅଞ୍ଚଳରେ ପଥ ଚାରୀଙ୍କ ପାଇଁ ଯାତାୟାତ ଅଧିକ ସହଜ ଆଉ ସୁବିଧା ସୁରକ୍ଷିତ ହେବ। ବ୍ୟସ୍ତବହୁଳ ରାସ୍ତା ପାର୍ ହେବାରେ ସାଧାରଣ ଲୋକଙ୍କୁ ସୁବିଧା ମିଳିବ ଏବଂ ସଡ଼କ ଦୁର୍ଘଟଣାର ଆଶଙ୍କା ମଧ୍ୟ କମିପାରେ।
ଏହି ପ୍ରକଳ୍ପ ରାଜଧାନୀର ନଗର ବିକାଶରେ ଏକ ନୂଆ ପଦକ୍ଷେପ ହୋଇଥିବା ବେଳେ, ଏହାକୁ ନେଇ ଉଠିଥିବା ରାଜନୈତିକ ପ୍ରଶ୍ନ ଆଗାମୀ ଦିନରେ କେଉଁ ମୋଡ଼ ନେବ, ତାହା ଉପରେ ସମସ୍ତଙ୍କ ନଜର ରହିଛି।