ନୂଆଦିଲ୍ଲୀ, ୫ ଜୁଲାଇ: ପାକିସ୍ତାନ କ୍ରିକେଟ Pakistan Cricket ବୋର୍ଡ (PCB) ଟେଷ୍ଟ କ୍ରିକେଟରେ ବଡ଼ ନିଷ୍ପତ୍ତି ନେଇଛି। ଦଳର ଅଧିନାୟକ ଭାବେ ପୁଣିଥରେ ଷ୍ଟାର ବ୍ୟାଟର ବାବର ଆଜମଙ୍କୁ Babar Azam ଦାୟିତ୍ୱ ଦିଆଯାଇଛି। ଆଗାମୀ ୱେଷ୍ଟଇଣ୍ଡିଜ ଓ ଇଂଲଣ୍ଡ ଟେଷ୍ଟ ସିରିଜକୁ ଦୃଷ୍ଟିରେ ରଖି ଏହି ପରିବର୍ତ୍ତନ କରାଯାଇଛି।
ଅଧିକ ଖବର ପଢନ୍ତୁ :👉ଆୟରଲାଣ୍ଡର ଐତିହାସିକ ସଫଳତା, ୧ ରନ୍ରେ ଭାରତକୁ ହରାଇ ୨-୦ରେ ଟି-୨୦ ଶୃଙ୍ଖଳା ଜିତିଲା
ଗତ କିଛି ସମୟ ଧରି ଶାନ ମସୁଦଙ୍କ ନେତୃତ୍ୱରେ ପାକିସ୍ତାନ ଟେଷ୍ଟ ଦଳ ଆଶାନୁରୂପ ପ୍ରଦର୍ଶନ କରିପାରିନଥିଲା। ବିଭିନ୍ନ ଦ୍ୱିପାକ୍ଷିକ ସିରିଜରେ ଦଳ ପରାଜୟର ସମ୍ମୁଖୀନ ହେବା ପରେ ବୋର୍ଡ ପୁଣିଥରେ ଅନୁଭବୀ Babar Azam ବାବର ଆଜମଙ୍କ ଉପରେ ଭରସା ପ୍ରକାଶ କରିଛି। ବୋର୍ଡର ଆଶା, ତାଙ୍କ ନେତୃତ୍ୱରେ ଟେଷ୍ଟ ଦଳ ପୁଣି ଭଲ ପ୍ରଦର୍ଶନ କରିବ।
ଦଳ ଘୋଷଣା ସହ କିଛି ଗୁରୁତ୍ୱପୂର୍ଣ୍ଣ ପରିବର୍ତ୍ତନ ମଧ୍ୟ ଦେଖିବାକୁ ମିଳିଛି। ଦ୍ରୁତ ବୋଲର ଶାହିନ ଆଫ୍ରିଦିଙ୍କୁ ଏହି ଟେଷ୍ଟ Test Cricket ଦଳରେ ସ୍ଥାନ ମିଳିନାହିଁ। ସେହିପରି ହସନ ଅଲୀ ଓ ନୋମାନ ଅଲୀ ମଧ୍ୟ ଚୟନରୁ ବାଦ ପଡ଼ିଛନ୍ତି। ଅନ୍ୟପଟେ, ଚୟନକର୍ତ୍ତାମାନେ ଭବିଷ୍ୟତକୁ ଦୃଷ୍ଟିରେ ରଖି ଚାରିଜଣ ଯୁବ ଖେଳାଳିଙ୍କୁ ପ୍ରଥମ ଥର ପାଇଁ ଟେଷ୍ଟ ଦଳରେ ସୁଯୋଗ ଦେଇଛନ୍ତି।
ପାକିସ୍ତାନ ପ୍ରଥମେ ୱେଷ୍ଟଇଣ୍ଡିଜ ଗସ୍ତ କରି ଦୁଇଟି ଟେଷ୍ଟ ମ୍ୟାଚ୍ ଖେଳିବ। ଏହାପରେ ଦଳ ଇଂଲଣ୍ଡ ଗସ୍ତରେ ତିନି ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ ଖେଳିବ। ଏହି ଦୁଇଟି ସିରିଜ ପାକିସ୍ତାନ ପାଇଁ ବିଶ୍ୱ ଟେଷ୍ଟ ଚାମ୍ପିଅନସିପ୍ ଦୃଷ୍ଟିରୁ ମଧ୍ୟ ଗୁରୁତ୍ୱପୂର୍ଣ୍ଣ ହେବ।
ଇଂଲଣ୍ଡ ଗସ୍ତ ପାଇଁ ସଉଦ ଶକିଲଙ୍କୁ ସର୍ତ୍ତମୂଳକ ଭାବେ ଦଳରେ ସାମିଲ କରାଯାଇଛି। ସେ ଫିଟନେସ ପରୀକ୍ଷାରେ ସଫଳ ହେବା ପରେ ଦଳରେ ଯୋଗଦେବେ। ଅନ୍ୟପଟେ ମହମ୍ମଦ ରିଜୱାନ ୱିକେଟକିପର ଭାବେ ଦଳର ମୁଖ୍ୟ ଦାୟିତ୍ୱ ସମ୍ଭାଳିବେ।
ଏବେ ସମସ୍ତଙ୍କ ନଜର ବାବର ଆଜମଙ୍କ Babar Azam Captain ନେତୃତ୍ୱ ଉପରେ ରହିଛି। ୱେଷ୍ଟଇଣ୍ଡିଜ ଓ ଇଂଲଣ୍ଡ ବିପକ୍ଷ ସିରିଜରେ ପାକିସ୍ତାନ କିପରି ପ୍ରଦର୍ଶନ କରୁଛି, ତାହା ଆଗାମୀ ଦିନରେ ଦଳର ଦିଗ ନିର୍ଣ୍ଣୟ କରିବ।