DA Hike 2026: କେନ୍ଦ୍ର ସରକାରୀ କର୍ମଚାରୀଙ୍କୁ ମିଳିପାରେ ୩% ମହଙ୍ଗା ଭତ୍ତା ବୃଦ୍ଧି, ଜୁନ୍ ରିପୋର୍ଟ ଉପରେ ସମସ୍ତଙ୍କ ନଜର
ନୂଆଦିଲ୍ଲୀ: କେନ୍ଦ୍ର ସରକାରୀ କର୍ମଚାରୀ ଓ ପେନସନଭୋଗୀଙ୍କ ପାଇଁ ଏକ ଖୁସି ଖବର ଆସିପାରେ। ଜୁଲାଇ ୨୦୨୬ ଠାରୁ ଲାଗୁ ହେବାକୁ ଥିବା ମହଙ୍ଗା ଭତ୍ତା (Dearness Allowance - DA)ରେ ୩ ପ୍ରତିଶତ ବୃଦ୍ଧି ହେବାର ସମ୍ଭାବନା ନେଇ ଚର୍ଚ୍ଚା ଜୋର ଧରିଛି। ଯଦି ଏହି ବୃଦ୍ଧିକୁ କେନ୍ଦ୍ର ସରକାର ଅନୁମୋଦନ କରନ୍ତି, ତେବେ ବର୍ତ୍ତମାନର ୬୦% ଡିଏ ବଢ଼ି ୬୩% ହୋଇପାରେ।
ମହଙ୍ଗା ଭତ୍ତାର ଅନ୍ତିମ ହିସାବ ଅଲ୍ ଇଣ୍ଡିଆ କଞ୍ଜ୍ୟୁମର ପ୍ରାଇସ୍ ଇଣ୍ଡେକ୍ସ ଫର୍ ଇଣ୍ଡଷ୍ଟ୍ରିଆଲ୍ ୱର୍କର୍ସ (AICPI-IW) ର ୧୨ ମାସର ହାରାହାରି ଆଧାରରେ କରାଯାଏ। ବର୍ତ୍ତମାନ ଜୁନ୍ ୨୦୨୬ ମାସର ସୂଚକାଙ୍କ ପ୍ରକାଶକୁ ଲକ୍ଷ ଲକ୍ଷ କର୍ମଚାରୀ ଓ ପେନସନଭୋଗୀ ଅପେକ୍ଷା କରିଛନ୍ତି।
ଅଧିକ ଖବର ପଢନ୍ତୁ : 👉 ୫ ଜିଲ୍ଲା କୁ ରେଡ ୱାର୍ଣ୍ଣିଙ୍ଗ ସପ୍ତାହେ ଯାକେ ବର୍ଷା କାଚିବ!
ଶ୍ରମ ଓ ନିଯୁକ୍ତି ମନ୍ତ୍ରଣାଳୟର ଉପଲବ୍ଧ ତଥ୍ୟ ଅନୁସାରେ, ମେ ୨୦୨୬ରେ AICPI-IW ସୂଚକାଙ୍କ ୧୫୦.୮ ରହିଥିଲା, ଯାହା ଅପ୍ରେଲ୍ ତୁଳନାରେ ବୃଦ୍ଧି ପାଇଛି। ଏହି ଧାରା ଜାରି ରହିଲେ ଡିଏ ବୃଦ୍ଧିର ସମ୍ଭାବନା ଆହୁରି ମଜବୁତ ହୋଇପାରେ।
କେନ୍ଦ୍ର ସରକାର ପ୍ରତିବର୍ଷ ଦୁଇଥର ମହଙ୍ଗା ଭତ୍ତାର ସମୀକ୍ଷା କରନ୍ତି। ପ୍ରଥମ ସଂଶୋଧନ ଜାନୁଆରୀ ୧ ଏବଂ ଦ୍ୱିତୀୟ ସଂଶୋଧନ ଜୁଲାଇ ୧ ଠାରୁ ପ୍ରଭାବୀ ହୋଇଥାଏ। ଯଦିଓ ଜୁଲାଇର ବୃଦ୍ଧି ସାଧାରଣତଃ ସେପ୍ଟେମ୍ବର କିମ୍ବା ଅକ୍ଟୋବରରେ ଘୋଷଣା କରାଯାଏ, କର୍ମଚାରୀମାନଙ୍କୁ ଏହାର ଲାଭ ଜୁଲାଇ ୧ ଠାରୁ ମିଳିଥାଏ। ଘୋଷଣା ସମୟରେ ବକେୟା (Arrear) ରାଶି ମଧ୍ୟ ପ୍ରଦାନ କରାଯାଏ।
ଏବେ ସମସ୍ତଙ୍କ ନଜର ଜୁନ୍ ୨୦୨୬ର AICPI-IW ରିପୋର୍ଟ ଉପରେ ରହିଛି। ଏହି ତଥ୍ୟ ଆଧାରରେ ଜୁଲାଇରୁ ଲାଗୁ ହେବାକୁ ଥିବା ଡିଏ ବୃଦ୍ଧିର ସ୍ପଷ୍ଟ ଚିତ୍ର ସାମ୍ନାକୁ ଆସିବ। ତେବେ ଅନ୍ତିମ ନିଷ୍ପତ୍ତି କେନ୍ଦ୍ର କ୍ୟାବିନେଟ୍ର ମଞ୍ଜୁରୀ ଓ ସରକାରଙ୍କ ଆଧିକାରିକ ଘୋଷଣା ପରେ ହିଁ ସ୍ପଷ୍ଟ ହେବ।