ଓଡ଼ିଶାର ବିକାଶ ଯାତ୍ରାକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସକାରାତ୍ମକ ମତ ପ୍ରକାଶ କରିଛନ୍ତି। ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଜନ୍ମଭୂମି ଗସ୍ତ ଅବସରରେ ସେ ଓଡ଼ିଶାବାସୀଙ୍କୁ ସମ୍ବୋଧନ କରି ରାଜ୍ୟର ଉନ୍ନତି ଓ ଭବିଷ୍ୟତ ସମ୍ଭାବନା ବିଷୟରେ ଆଲୋଚନା କରିଥିଲେ।
ସେ କହିଥିଲେ ଯେ, ଓଡ଼ିଶା ପ୍ରାକୃତିକ ସମ୍ପଦ, କୃଷି ଏବଂ ସମୁଦ୍ର ଭିତ୍ତିକ ଅର୍ଥନୀତିରେ ଦେଶର ଅଗ୍ରଣୀ ରାଜ୍ୟ ହେବାର କ୍ଷମତା ରଖିଛି। ରାଜ୍ୟରେ ବୃହତ୍ ନିବେଶ ଏବଂ ବିଭିନ୍ନ ମେଗା ପ୍ରକଳ୍ପ ମାଧ୍ୟମରେ ନୂତନ ରୋଜଗାର ସୃଷ୍ଟି ହେବା ସହ ଶିଳ୍ପ ଓ ଅର୍ଥନୀତିକୁ ଶକ୍ତିଶାଳୀ କରିବାର ଉଦ୍ୟମ ଜାରି ରହିଛି।
ମୋହନ ମାଝୀଙ୍କ ନେତୃତ୍ୱରେ ରାଜ୍ୟ ସରକାର ଜନକଲ୍ୟାଣ, ଜନଜାତି ବିକାଶ, ଶିକ୍ଷା ଓ ସ୍ୱାସ୍ଥ୍ୟ କ୍ଷେତ୍ରରେ ନେଇଥିବା ପଦକ୍ଷେପକୁ ମଧ୍ୟ ସେ ପ୍ରଶଂସା କରିଥିଲେ। ବିକାଶର ଏହି ଯାତ୍ରାରେ କେନ୍ଦ୍ର ଓ ରାଜ୍ୟ ସରକାର ମିଳିତ ଭାବେ କାମ କରି ଓଡ଼ିଶାକୁ ନୂତନ ଉଚ୍ଚତାକୁ ନେବା ପାଇଁ ସଂକଳ୍ପବଦ୍ଧ ବୋଲି ସେ ମତ ରଖିଥିଲେ।
ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଜନ୍ମଭୂମିକୁ ଏକ ଆଦର୍ଶ ଓ ପରିବେଶବନ୍ଧବ ଗ୍ରାମ ଭାବେ ବିକଶିତ କରିବା ପାଇଁ ମଧ୍ୟ ବିଭିନ୍ନ ଯୋଜନା ଆଗକୁ ବଢ଼ାଯିବ ବୋଲି ସୂଚନା ଦିଆଯାଇଛି।